Түркістандық «Тұран» 24 жастағы қазақстандық қорғаушы Сұлтан Әбілғазымен келісім-шартқа отырды.
Сұлтан 2017 жылдың қаңтарынан желтоқсанына дейін «Оқжетпес» сапында өнер көрсетті. Көкшетаулық клуб жейдесінде небәрі 5 ойын өткізген.
Содан кейін «Тобылға» келіп, өткен маусымның соңына дейін қостанайлық команданың намысын қорғады. Клубпен бірге Қазақстан чемпионы атанды, сондай-ақ ел суперкубогін жеңіп алды.
Әбілғазы «Тобыл» сапында 52 матч өткізіп, 3 гол соқты, 3 нәтижелі пас берді.
Біздің серіктес: FONBET
