«Түркістан-Арена» стадионында жүргізілген тексеру жұмыстарының қорытындысы бойынша УЕФА-ның шешімімен спорт нысанына халықаралық «II» санат берілді, деп хабарлайды ҚФФ ресми сайты.
Еске салайық, «Түркістан-Арена» стадионы 2020 жылы салынған, ал 2021 жылдың наурызында Қазақстан Суперкубогінің матчтарын қабылдады.
Енді Түркістандағы стадион мынадай матчтарды қабылдай алады:
- УЕФА Чемпиондар лигасының, УЕФА Еуропа лигасының, УЕФА Конференция лигасының 1, 2, 3 іріктеу кезеңдеріндегі ойындар;
- жастар құрамалары (U-21) арасындағы Еуропа және әлем чемпионаттарының іріктеу және финалдық кезеңдері;
- 17 және 19 жасқа дейінгі жастар құрамалары арасындағы Еуропа және әлем чемпионаттарының іріктеу және финалдық кезеңдері;
- әйелдер командалары арасындағы Еуропа және әлем чемпионаттарының іріктеу және финалдық кезеңдері.
Біздің серіктес: FONBET
