Бүгін, 12 маусымда Уэльс Швейцария құрамасымен кездесті. Ойын тең аяқталды - 1:1. Аталмыш матч Бакудегі (Әзірбайжан) Олимпиада стадионында өтті. Кездесуде Клеман Турпен бастаған франциялық төрешілер қызмет етті.
Бірінші таймда командалар гол соға алмады. Ал 49-минутта Швейцария құрамасының шабуылшысы Брил Эмболо жартылай қорғаушы Шердан Шакиридің пасын сәтті пайдаланып, есеп ашты. 74-минутта Уэльс шабуылшысы Киффер Мур жартылай қорғаушы Джозеф Моррелдің пасынан кейін таразы басын тең қылды.
А тобында Түркиядан басым түскен (3:0) Италия құрамасы көш бастап тұр. Швейцария мен Уэльс құрамалары бір-бір ұпаймен екінші орынды бөлісіп тұр.
Біздің серіктес: FONBET
