Эшли Уильямс
Уэльс құрамасы мен «Эвертон» клубының бұрынғы капитаны Эшли Уильямс әлем чемпионатына іріктеудің бірінші турында Қазақстанмен өткен матч туралы ойымен бөлісті.
«Қазақстан Уэльс құрамасы үшін біраз қиындық туындатты, олардың қорғанысын бұзып-жару оңай болған жоқ. Бірақ мұның өзі жеңіс үшін жеткіліксіз болды. Уэльс үшін оңай ойын болды деп айта алмаймын. Қазақстан әлем чемпионатына іріктеуде қарсыластарынан ұпай алады деп ойлаймын», - деді Эшли Уильямс.
Айта кетейік, кеше ұлттық команда ӘЧ-2026 іріктеу аясында Кардиффте Уэльспен кездесіп, 1:3-пен есе жіберді. Қазақстан сапындағы жалғыз голды капитан Асхат Тағыберген пенальтиден салған болатын.
Біздің серіктес: FONBET
