Aladop.kz сайтына белгілі болғандай, Қазақстан ұлттық құрамасының бұрынғы ойыншысы Ұлан Қонысбаев туған командасына қайта оралмақ.
Германияда медициналық тексерістен өткен жартылай қорғаушы үлкен футболға оралса болады. Осындай тексерістен кейін дәрігерлер оған үлкен спортқа қайта оралуына рұқсат берді. Енді ол "Тараз" клубының базасында жаттығу жұмыстарын бастап, өзінің бабына келу мәселесіне ден қойып отыр.
1 шілдеде трансферлік терезе ашылған кезде Вардан Минасян оны команда қатарына қосуы ықтимал. Ол үшін Ұлан бірнеше жаттығуға қатысып, "Тараз" сапында жолдастық ойындарда өзін көрсетуі тиіс. Егер бапкерге ұнаса, клуб басшылығы оны екінші айналымға тіркеуі мүмкін.
Естеріңізде болса Ұлан Қонысбаев Далянь қаласында Қытай құрамасына қарсы матчта ауыр жарақат алған еді.
Біздің серіктес: FONBET
