Қазақстан футбол федерациясы Ұлттық құраманың жаңа бас бапкерін тағайындауға жақын. Шетелдік маманмен келіссөздер финалдық кезеңге шықты және ресми хабарландыру осы аптаның соңына дейін жариялануы мүмкін, деп хабарлайдя Aladop.kz.
Жаңа бапкермен келісімшарт қатаң түрде 4 айға, яғни алдағы іріктеу кезеңі аяқталғанға дейін жасалады. Федерация бұл шешімді бірнеше себеппен түсіндіреді:
– Уақытты үнемдеу: Әлем чемпионатынан кейін көптеген белді бапкерлердің басқа клубтармен немесе құрамалармен міндеттемелері бар.
– Нарықты зерттеу: Қысқа мерзімді келісімшарт ҚФФ-ға асықпай, қыста кандидаттар кеңейген кезде неғұрлым тиімді әрі ұзақ мерзімді шешім қабылдауға мүмкіндік береді.
Жаңа бас бапкердің штабы Қазақстандық мамандардан құралады. Бұл жергілікті футболдың ерекшеліктерін, ойыншыларды және лиганы ішінен білетін мамандармен сабақтастықты сақтау үшін жасалған қадам.
Айта кетерлік жайт, Қазақстан Премьер лигасында жұмыс істейтін бапкерлердің кандидатуралары саналы түрде қарастырылмады. Чемпионаттың шешуші кезеңінде клубтардың ішкі тұрақтылығын бұзбау және оларды еурокубоктар мен титул үшін күрестен алаңдатпау мақсаты көзделген.
