"Тараз" Қазақстан Кубогінің төртінші турында "Атырау" клубын минималды есеппен жеңді. Матч Тараздағы Орталық стадионда өтіп, 1:0 есебімен аяқталды.
Кездесудегі жалғыз гол 55-минутта соғылды. Арман Нүсіптің қақпа маңына қарай асырған пасына бірінші болып жеткен Урош Ненадович командасына жеңіс сыйлады.
Төрт ойында тоғыз ұпай жинаған жамбылдық клуб В тобында көш басына шықты. Бір ғана ұпайы бар "Атырау" ең соңғы орында қала берді.
