Вараздат Ароян Ла Лигада гол соққан алғашқы армениялық футболшы атанды

27.09.2021, 13:13
Ароян испаниялық клубқа елордалық «Астанадан» ауысып барған еді
Вараздат Ароян Ла Лигада гол соққан алғашқы армениялық футболшы атанды

"Кадис" Испания чемпионатының 7-турында "Райо Вальеканодан" 1:3 есебімен ұтылды. "Кадис" сапында жалғыз голды "Астананың" бұрынғы ойыншысы Вараздат Ароян соқты. 29 жастағы қорғаушы Ла Лигада гол соққан алғашқы армениялық футболшы атанды

Ароян 2021 жылдың жазынан бастап "Кадис" командасының намысын қорғауда. Ол Испания чемпионатында алты кездесу өткізіп үлгерді. Алты ұпай жинаған "Кадис" турнирлік кестеде 14-орынға табан тіреді.

Еске салайық, Ароян испаниялық клубқа елордалық "Астанадан" ауысып барған еді. Армениялық қорғаушы қазақстандық клуб жейдесінде 15 матч өткізіп, 1 гол мен 1 нәтижелі пастың авторы атанды.

Сіздің реакцияңыз?
Ұнайды 0
Ұнамайды 0
Күлкілі 0
Масқара 0
Серіктес жаңалықтары
×