"Тараздың" бас бапкері Вардан Минасян "Атыраумен" болған сырт алаңдағы кездесу (1:2) туралы пікір білдірді:
- Вардан Размикұлы, жеңіске жетуіңізге себеп болған жағдайды атай аласыз ба?
- Бірінші таймда керемет ойнадық деп айта алмаймын, агрессивтілік пен қозғалыс болмады. Екінші таймда бізге қайтадан құрамды жасақтау қажет болды. Схема мен ойыншылардың алмасуы ойынды жақсартты. Нәтижесінде біз алға шықтық. Біз гол сала алдық, бірақ қарсыластардың да мүмкіндігі болды. Соңында команда мінез көрсетіп, үш ұпайға ие болды.
- Турнир стратегиясы тұрғысынан алғанда, "Тараз" енді өз алаңында "Атырау" командасымен тең ойнаса жете ме?
- Біз ойынға әрқашан жеңіс туралы ойлармен шығамыз, үйде не сырт алаңда ойнағанымыз және стратегия маңызды емес.
- Жергілікті футболдың 7 тәрбиеленушісі алаңға негізгі құрамда шықты. Олардың ойынына көңіліңіз тола ма?
- Мұны екінші жағынан қарастырайық. Біріншіден, бізде тек үш шетелдік футболшы ойнады, қалғандары - қазақтар. Екіншіден, мен ешкімге бөлек баға бергім келмейді. Біз үшін ұлты, терісінің түсі, діні, жасы маңызды емес. Олардың барлығы "Тараздың" намысын қорғайды, сондықтан олар ойнауы және командаға пайда әкелуі керек. Мысалы, бұл ойында 2004 жылы туған жас ойыншы (Мүслім Жұмат) дебют жасады. Біз мұндай байланыстарды мүмкіндігінше жиі қолданатын боламыз.
- Бүгін өтетін топтағы қарсыластар матчын көресіз бе ("Тобыл" - "Мақтаарал")?
- Ия, мен көргім келеді, бірақ қайталаудан көруге тура келеді, өйткені біз осы уақытта жолда боламыз.
