"Қайрат" қақпасына соққан голынан кейін Чемпиондар лигасында гол соққан ең жас ойыншылардың бірі атанған 17 жастағы Виктор Дадасон матч жайлы пікір білдірді, деп хабарлайды Aladop.kz.
Исландиялық шабуылшы TV2 Sport арнасында былай деді:
"Бұл жеңістің маңызы өте зор. Егер біз өз деңгейімізде ойнап, жеңістерді жалғастыра берсек, финалдық кезеңге шығуға толық мүмкіндік бар. Мүмкін 3:0 болғанда өзімізді тым бос жіберіп қойдық. Бірақ бастысы — жеңіске жеттік, соған қуаныштымын.
Паркен стадионында гол соғу — керемет сезім. Мұндағы жанкүйерлер, атмосфера — бәрі ерекше. Гол соға алғаныма өте бақыттымын.”
