Дәл осындай ақпарат тарап кетті.
Бүгін футбол әлеміндегі айтулы күн. Жылдың үздік футболшысына алтын доп берілетін уақыт. Өткен маусымда барын салып, жасыл алаңда ойқастаған ойыншыға берілетін жүлде. Бүгін сол тарихи сәт. Бұған дейін бұл жүлдеге Вини, Родри, Карвахаль, Беллингем секілді футбол жұлдыздары үміткер деп танылған еді. Алтын доп табысталатын уақыт жақындағанда айқын басымдылықпен Винисиус жеңді деген ақпарат тарады. Оған лайық екенін әр ойында дәлелдеп жүргені айтпаса да түсінікті. Енді бұл рәсімде ешқандай интрига қалмады деген сәтте мынадай бір әңгіме шықты. «Реалдың» бірде-бір ойыншысы Париж қаласына аттанбаған. Өйткені, Виниға алтын доп берілмейді. Кезекті иесі басқа футболшы деп көзімізді шарасынан шығарды. Ақпарат айдынында желдей есіп жүрген бұл дереккөз дүйім жұртты таңқалдырғаны анық.
«Реалдың» үш бірдей ойыншысын артта қалдырып, бұл таласта жеңіп шықты деген футболшы - Родри. Әрине, ресми ақпарат емес. Дегенмен, мұндай әңгіменің бары рас. Осыған дейін «Marca» басылымы Вини 100% алтын доп иегері деген еді. Аяқ асты не болып кетті. Әлде, шоу ұйымдастырғысы келді ме? Родри жарақатының салдарынан осы маусымда алаңға шықпай жүргенін білеміз. Бұл ойыншы дәл қазір Париж қаласында. Фабрицио Романо өз парақшасында бір ақпаратпен бөлісті.«Реалдың» Парижге арналған рейстен бас тартқаны туралы жазды. Сонымен қатар, басшылықтың өзі Парижге бармайтынын жеткізді. Бұл қисынсыз дүниенің соңы не болар екен?
Біздің серіктес: FONBET
