ЦСКА ойыншысы Никола Влашич "Реал" Мадридке қарсы өткен ойында киіп шыққан жейдесін аукционға қойды. Түскен қаржыны Сплит қаласының ауруханасына аударады. Англия футбол қауымдастығы пандемияның кесірінен 300 миллион фунт көлемінде қаржыдан қағылды. Бастапқыда бұл сома шамамен 150 миллион болуы тиіс еді.
Испания премьер-министрі Педро Санчес Ла-лига клубтары 4 мамырдан бастап жаттығу жұмыстарына кірісе берсе болады деп мәлімдеді. Германия футбол федерациясы Бундеслиганы 15 мамыр күні қайта жалғастырамыз деп шешім шығарды. Алайда, бұл шешім 6 мамыр күні канцлер Агела Меркелдің бастауымен өтетін жиында талқыға түсіп, нақты шешім сол күні айтылады. Бундеслига Германияда мыңдаған адамның жұмыс орны болғандықтан бұл мәселеге канцлердің өзі жеке тоқталады екен.
Сериа А командалары арасында "Сассуоло" бірінші болып жаттығу жұмыстарына кірісті. Футбол клубының 3 жасыл алаңында 6 адамнан жаттығу жасайды. Олар сағат сайын кезекке тұрып жаттығады. Яғни бір жарты алаңда бір футболшыдан. Ал 5 мамыр күні "Болонья" клубы жаттығуын бастайды. Бапкер Синиша Михаилович жаттығу барысына қатыспайды.
"Қайсар" футбол клубының басшылығы ойыншылардың жалақысын 40 пайызға қысқартады. Бюджеттің аздығынан футболшылар жылдың соңына дейін солай жалақы алатын болады. Бұл жайында Ресей сайттары жарыса жазуда. Осыған дейін жалақы 10 пайызға қысқарса, енді оған тағы 30 пайыз қосылады. Демек, жалпы сома 40 пайызға шегеріледі деген сөз. Егер футболшылардың бірі келіспейтін болса, клуб ол ойыншымен келісім-шартты үзеді.
"Трансфермаркет" сайты 2019/2020 жылғы маусымда бір ойында ең көп пас берген клубтар рейтингісін жариялады. Бірінші орында әлбетте "Барселона". Олар бір матчта 684 пас беріпті. Бір ойында 676 пас берген "Манчестер Сити" екінші орында болса, үшінші орында "Бавария". Неміс клубы 673 пас беріпті. Рейтинг жаскшылар Қазақстан командаларын есепке алмапты. Әйтпесе ойын барысында 100-150 ғана пас беретін кейбір командалар бар екенін байқар ма еді?
Біздің серіктес: FONBET
