Италия Кубогінің финалдық кездесуінде "Аталанта" "Ювентуске" есе жіберді. Кездесу Реджо-нель-Эмилиядағы "Мапей - Читта-дель-Триколоре" стадионында өтіп, 2:1 есебімен туриндік клубтың пайдасына аяқталды.
31-минутта Деян Кулушевски есеп ашты. Он минуттан кейін "Аталанта" бұл голға жауап қатты. Ремо Фройлер қарсыластың жарты алаңында допты тартып алып, Ханс Хатебурға берді. Ал ол допты айып алаңында тұрған Малиновскийге жеткізді. Украиналық футболшының жасаған соққысына Джанлуиджи Буффон ешқандай да реакция жасай алмады. Ал 73-минутта "Ювентустың" жартылай қорғаушысы Федерико Кьеза жеңісті жұлып әкетті.
Айта кетейік, "Ювентус" өз тарихында 14-ші рет Италия Кубогін жеңіп алды (1938, 1942, 1959, 1960, 1965, 1979, 1983, 1990, 1995, 2015, 2016, 2017, 2018, 2021).
Біздің серіктес: FONBET
