"Баварияның" қорғаушысы Давид Алаба мансабын Италияда жалғастыруы мүмкін, деп хабарлады Eurosport.it.
Дереккөздің хабарлауынша, австриялық футболшы "Ювентусқа" ауыса алады және қысқы трансфердік терезеде ауысу мүмкіндігі бар. Алабаның "Бавариямен" келісімшарты маусым соңында аяқталады. Тараптар келісімшартты ұзарту туралы әлі келісе алмады. Бұл жағдайды ойыншыға қызығушылық танытқан "Ювентус" пайдалануы мүмкін. Туриндік клуб австриялықты жазда еркін агент ретінде алғысы келетіндігі туралы да хабарланды.
"Бавария" клубының спорттық директоры Хасан Салихамиджич клуб енді Алабамен келіссөздер жүргізуді жоспарламайтынын мәлімдеді. Осы маусымда Давид Алаба барлық турнирлерде он матчқа қатысып, бір гол соқты.
Біздің серіктес: FONBET
