Бахтиер Зайнутдинов "Бешикташ" сапында
Бүгін Бахтиер Зайнутдинов пен Абат Айымбетовтің клубтары кездеседі.
Тәуелсіздік күні қос қазақстандық футболшы жасыл алаңда қарсылас атануы ықтимал.
Түркия Суперлигасының 16-турындағы «Адана Демирспор» - «Бешикташ» ойыны біздің уақытпен 21:00-де басталады. Бәсекені Sport Plus Qazaqstan арнасының тікелей эфирінен тамашалауға болады.
Бахтиер Зайнутдинов биылғы маусымда стамбулдық ұжымның сапында бес кездесуде өнер көрсетіп, соңғысында ассист жасаған болатын. Жартылай қорғаушының «Бешикташта» бас бапкер ауысқалы жағдайы ақырындап түзеліп келеді. Сондықтан, бүгін Айымбетовтің клубына қарсы матчта алаңнан бой көрсетуі мүмкін.
Абат Айымбетовке келер болсақ, шабуылшы Аданалық команда жейдесінде маусымда 10 ойынға қатысып, бір гол салды.
«Бешикташ» бесінші сатыға жайғасса, «Адана Демирспор» соңғы 19-орында.
Біздің серіктес: FONBET
