Британдық “Фулхэм” футбол клубының ойыншысы Пайтим Касами 500 фунт стерлинг (583,5 еуро) айып төледi.
Ол Англия кубогi үшiн “Челси” клубына қарсы ойында пенальтидi дұрыс теппеген едi. Ойынның 47-минутында 19 жастағы швейцариялық футболшы пенальти орындап, тепкен добы қақпа маңдайшасынан қайтқан. Кездесу тең аяқталып, жеңiмпаз пенальтиде анықталған едi. “Челси” ойыншылары қарсыластарын 4:3 есебiмен ұтып кеткен болатын. Осы жеңiлiстен кейiн “Пулхэм” клубының бас бапкерi Мартин Йол осындай шешiмге келiптi.
Пайтим “Фулхэмде” доп тепкенi үшiн аптасына 8 мың фунт стерлинг (9337 еуро) табатын көрiнедi.
«Жас Алаш»
