«Ордабасы» клубының президенті Дархан Қызайбаев жартылай қорғаушы Жасұлан Әмірдің даму стратегиясы мен алдағы жоспарлары туралы мәлімдеме жасады, деп хабарлайды Aladop.kz.
Журналист Аслан Қаженовқа берген сұхбатында клуб басшысы қазіргі уақытта басты назар футболшының жан-жақты өсуіне аударылып отырғанын айтты.
Жасұлан Әмірдің кәсіби деңгейін арттыру үшін клуб кешенді тәсілді қолдануда. Қызайбаев футболшының футболдық IQ деңгейін көтеру үшін келесі бағыттарға басымдық берілгенін атап өтті: Ағылшын тілін үйрену, Білім және тәртіп, Дұрыс тамақтану.
Клуб басшылығы Жасұланның болашағын әлемнің ең таңдаулы чемпионаттарымен байланыстырады. Атап айтқанда, оны болашақта Ағылшын Премьер лигасы, Испания немесе Германия чемпионаттарында көру — басты мақсаттардың бірі.
Асқақ армандарға қарамастан, биылғы жылы футболшы командадан кетпейді. Дархан Қызайбаевтың айтуынша, Жасұлан Әмір осы маусымда «Ордабасымен» бірге алға қойған биік белестерді бағындыруға күш салады. Клуб президенті бұл мақсаттарға тек бірлескен жұмыс арқылы қол жеткізуге болатынына сенімді.
