«Ақтөбе» футбол клубы ивуарлық шабуылшы Жерар Би Гоа Гоумен келісім-шартқа отырғанын қуана хабарлайды. Футболшы жаңа командада 30-шы нөмірмен өнер көрсетпек.
Гол соққыш форвард бұған дейін Түркия Суперлигасында өнер көрсететін «Қасымпаша» футбол клубының намысын қорғады. Сұрмергендігімен жақсы танымал орталық шабуылшы алғашында өз отанындағы «Абиджан» және морокколық «Хассани» клубтары сапында доп тепкен.
2010 жылы Еуропаға қоныс аударып, швейцариялық «Ксамакс» пен түріктің «Денизлиспор» және «Кайсери Эрджиеспор» құрамында көзге түседі. Кейіннен Ресейдің «Краснодарына» ауысып, Қытайдың «Бейжіңінде» де сәтті ойнап шығады. Сәл ертерек алматылық «Қайрат» қосынында үш маусым өткізеді. 2015, 2016 және 2017 жылдары ҚПЛ үздік сұрмергені атанады.
Біздің серіктес: FONBET
