Талдықорғанның "Жетісу" футбол клубы соңғы күндері бірден екі маңызды жоғалтуды бастан өткеріп отыр, деп хабарлайды Aladop.kz.
Бұған дейін командадан бас бапкер Самат Смақов кетсе, енді оған қоса клуб директоры Марк Гурман да қызметін тоқтатқан сияқты.
Бұл туралы ЖаркOFF телеграм арнасы жариялады. Арнаның жазуынша, Смақовтың кеткенінен кейін көп ұзамай Марк Михалыч Гурман да "Жетісудан” кеткен.
Автор ақпаратты нақтылау үшін Марк Гурманның өзіне хабарласқан. Алайда Гурман сұраққа жауап бермей, үнсіз қалуды жөн көрген.
