Алматылық «Қайрат» 33 жастағы бразилиялық шабуылшы Жоао Пауло да Силва Араужомен келісім-шартқа отырғанын жариялады.
Футболшы мен алматылық клуб арасындағы келісім-шарт 1,5 жылға есептелген.
Жоао Пауло өзінің кәсіби мансабын 2007 жылы бастаған. Ол Бразилия, Оңтүстік Корея және Болгарияның түрлі клубтарында ойнады. Ал 2019 жылы шымкенттік «Ордабасымен» келісім-шартқа отырды.
Шабуылшы клубтық мансабында 314 кездесу өткізіп, 101 гол соққан, 38 нәтижелі пасы тағы бар.
