Шымкенттік "Ордабасы" Қазақстан Премьер-лигасының 10-турында Петропавлдық "Қызылжарды" минималды есеппен жеңді. Кездесу Талғардағы Ұлттық құраманың базасында өтіп, 1-0 есебімен аяқталды.
Ойын тағдырын 72-минутта салынған Жоао Паулоның голы шешіп кетті. Тоқтар Жаңғылышбай нәтижелі пастың авторы атанды. Осылайша, Жоао Пауло қатарынан 7-ші матчында гол соғып, үздік сұрмергендер кестесінде жеке-дара көш бастады.
Үш ұпайға қол жеткізген "Ордабасы" 17 ұпаймен екінші орынға көтерілді. "Қызылжар" 7 ұпаймен тоғызыншы орында қалды.
Біздің серіктес: FONBET
