"Реал Мадрид" 2016/17 маусымынан бастап алғаш рет чемпион болды. «Реал» маусымды өте біркелкі өткізді, «Барселонадан» екі ұпай артта келе жатқанда үлкен үзіліске кетті. Бірақ карантиннен кейін Мадриддік клуб чемпионаттағы он матчтың барлығында жеңіске жетіп, чемпиондыққа ие болды. «Барселона» мұндай тұрақтылық көрсете алмады және чемпионат үшін күрестен шығып қалды.
Әрине, «Реал Мадрид» жеңген ойындарда төрешілікке қатысты бірнеше сұрақтар туындады, бірақ Зидан шәкірттері өз қарсыластарынан мықты болғанын жоққа шығару қиын. Тіпті «Реал Мадридтің» бәсекелесі атанған «Атлетико Мадрид» ойыншысы Сауль де «Корольдік» клубтың жеңісі әділ деп санайды: «Олар өте жақсы деңгейде ойнады. Егер VAR көмегімен олардың пайдасына көптеген пенальтилер берілсе, бұл олардың қарсыласқа үлкен қысым жасағаны деген сөз».
Командадағы барлық ойыншылар бұл жеңіске қандай да бір жолмен өз үлестерін қосты. Тіпті, жарақатына байланысты бүкіл маусымды жіберіп алған Эден Азар да бір гол соғып, төрт нәтижелі паспен көзге түсті. Енді Ла Лигадағы «Реал Мадридтің» чемпион болуына өз үлестерін қосқан ең басты ойыншыдарды атап өтейік.
Тибо Куртуа
Мадридтегі алғашқы маусымында бельгиялық аяусыз сынға ұшырады: бірнеше қателіктерден кейін «Реал Мадридтің» көптеген жанкүйерлері бельгиялық қақпашыны есептен шығарып тастады, ал Куртуаның екі аяғының арасынан гол жіберіп алуы ойыншыға реніш білдіруге басты сылтау болды. Мұндай сәтсіздіктен кейін Тибо бұрынғы деңгейіне оралмайтын сияқты көрінді, бірақ бельгиялық мінез көрсетіп, керемет маусымды өткізді.
Қақпашының фантастикалық ойынына басты себеп не болғанын айту қиын. Теория жүзінде қақпашының позициясы үшін бельгиялықпен бәсекелесе алатын жас және болашағы зор қақпашы Альфонсо Ареоланың келуі белгілі бір дәрежеде әсер етті, бірақ басты фактор, әрине, Куртуаның шеберлігі.
Куртуа Ян Облактың Ла Лигадағы төрт жылдық гегемониясын ақыры аяқтап, Ла Лиганың осы маусымдағы үздік қақпашысы атағын алуға жақын. Қақпашы Испания чемпионатында 18 құрғақ матч өткізді және 33 матчта бар болғаны 21 гол жіберіп алды.
Тибо әлемдегі ең үздік қақпашылар құрамына қайта оралғанға ұқсайды. Бельгиялық өзінің армандаған клубында доп теуіп жүр және жанкүйерлер оның трансферін ең нашар деп таныған 2018/19 маусымдағыдай ойнауы екіталай.
Серхио Рамос
Рамос, 34 жаста болса да, таңқалдыруды жалғастырып жатыр. Ол өзінің қорғаныстық міндеттерін өте жақсы атқарып қана қоймай, «Реал Мадрид» капитаны гол соғып та үлгеруде. Тек Бензема осы маусымда барлық жарыстарда Серхиоға қарағанда көп гол соқты. Рамос осы маусымда 12 гол соқты, ал чемпионат қайта басталғаннан кейін испандық 9 матчта алты гол соқты.
Әрине, Серхио голдардың көпшілігін пенальтиден соғады, бірақ оның 11 метрлік айып добын орындауы - керемет өнер. Рамос әрдайым қақпашыдан аяғымен қимыл жасауды күтеді - содан кейін ғана бос бұрышқа тебе салады. «Атлетикке» қарсы матчта Рамос өзінің қатарынан жиырмасыншы пенальтиін соқты - соңғы рет ол 2018 жылы қателескен еді.
Испандықтың физикалық формасы да таңқаларлық. Серхио Криштианудың кәсібилігінен шабыт алған секілді, сондықтан қазір оның дене бітімі португалдықтан кем емес. Рамос футболды әлі біраз жыл ойнағысы келеді және ол үшін бар күшін салады. Серхио қазірдің өзінде Ла Лигадағы қорғаушылар арасындағы ең үздік сұрмерген атанып үлгерді және Ла Лигада 500-ге жуық ойын өткізді. Серхио Ла Лигада 622 матч өткізген Андони Субисарретаның рекордын бұзуға шамасы жетеді. Ол осы рекордты бұзуға лайық емес деп кім айта алады?
Тони Кроос
Кроос «Реал Мадридте» өткен маусымды өте сәтсіз өткізді, бірақ Ла Лиганың осы маусымында ол өзінің барлық қасиеттерін көрсетуде. Тони - бұл маусымда Модричтен гөрі жақсы ойнады. Неміс өзінің негізгі қаруы - диагональ пастарды жақсы асыру үшін белсенді әрекет етуді жөн көреді. Осы маусымда Кроос Ла-Лигадағы ұзақ пастарды дәл берген ойыншылар арсында көш бастап тұр, ал Топ-5 лигада неміс Пауло Дибаладан кейінгі екінші орында.
Кростың биылғы маусымдағы керемет ойынының маңызды факторы - Зидан одан көп соққы жасауды сұрады. Нәтижені көп күтудің қажеті болмады: Тони «Реал Мадрид» үшін ең нәтижелі маусымды өткізді, клубтық жарыстардың барлығында 6 гол және 8 голдық пас берді. Нәтижесінде тиімді әрекеттер саны жағынан Кроос осы маусымда Бенземадан кейін екінші орында иеленді.
Кроос «Реал Мадридтен» кетпек емес және мансабын Мадридтік клубта аяқтай алатынын мойындады. Егер бұл орын алса, онда Тони "Корольдік" клубтың аңыздары арасында өз орнын алады.
Каземиро
Каземиро - көптеген жылдар бойы үнемі жоғары дәрежеде ойнаған «Реал» ойыншыларының бірі. Бразилиялық үшін бұл маусым ерекше болмады.
Каземиро - Зидан командасындағы ең негізгі ойыншы. Зидан егер «Реал» Канте немесе таланты Камавинганы алса да, бразилиялықтың құрамдағы орнын жоғалтуы екіталай деп бірнеше рет айтқан болатын. Бразилиялық әлі де үлкен жұмыстар атқарады, қорғаушыларды жақсы сақтандырады, сонымен қатар допты қарсыласынан алып қою бойынша да көшбасшы. Каземиро байланыстық күресте де, ойынды оқуда да маңызды ойыншы болып табылады.
Федерико Вальверде
Реал Мадридтің ерекше хоббиі бар - жас бразилиялықтарды сатып алу. Винисиус екінші маусым қатарынан Мадридтің бірінші командасында доп теуіп жүр, ал Родриго біртіндеп ойынға негізгі құрамда қатыса бастады. Бірақ қомақты қаржы төленген бразилиялықтардың ешқайсысы «Реал Мадрид» жанкүйерлердің сенімін ақтауға жақын болған жоқ. Алайда, Оңтүстік Американың тағы бір жас тумасы - уругвайлық Федерико Вальверде, «Реал Мадрид» үшін 2016 жылы 5 миллион еуроға алынған.
Уругвайлықтың «Реалда» ашылуы толығымен Зиданға байланысты болды. Француз жазғы дайындық кезінде Вальвердені белсенді ойната бастады, ал содан кейін уругвайлық бірден негізгі құрам ойыншысына айналды. Мадридтік жанкүйерлер Вальвердені «екі жүрегі бар адам» деп атайды. Шынында, Феде алаңда керемет жұмыс атқарады. Федерико «Реал Мадридтің» ең мықты ойыншысы, ол матчтың алғашқы және соңғы минуттарында да бір қарқында ойнай алады. Сонымен қатар, Феде денесін керемет пайдалана алады. Феденің негізгі құрамда ойнауы Каземироның жұмысын едәуір жеңілдетті.
Уругвайлықтың шабуылдағы басты артықшылығы - бос кеңістікті іздеу мүмкіндігі. Зидан Федериконы алаңдағы кез-келген нақты жағдаймен шектемейді, сондықтан ол әрдайым бос кеңістікті табуды мақсат тұтады. Қорғаныста ойнаған кезде, Вальверде кеңістікті жақсы жаба біледі және аймақтар арасындағы алшақтыққа жол бермейді. Жылдамдық пен жоғары тиімділік Вальвердеге шабуылдан қорғанысқа қысқа мерзімде оралуға және, керісінше, жылдам шабуылдарға шығып кетуге мүмкіндік береді.
Вальверде көптеген клубтардың назарында жүр - «Манчестер Юнайтед» ойыншыны алғысы келген еді, бірақ Мадридтік клуб оны 500 миллион еуроға сатамыз деп жауап берді. Бұл жоғары трансферлік баға "Реал Мадридтің" барлық клубтарға берген нақты хабарламасы - уругвайлық сатылмайды.
Кәрім Бензема
Бензема туралы өте ұзақ айтуға болады. Кәрім - бұл замандағы бағаланбаған шабуылшылардың бірі. Ол мүмкін еместі жасады - ол он жылдай Криштиану Роналдудың көлеңкесінде болды, сонымен бірге бұл туралы ешқашан мәлімдемеді. Оның үстіне, оның португалдықпен байланысы өте нәтижелі болды - Криштиану үшін керемет ойын болды. Бензема Криштианудың кетуімен ойын көрсеткіштерін едәуір арттырды: француз 2018/19-шы Ла Лига маусымын 21 голмен аяқтады, ал осы маусымда Бензема Ла Лигада 19 гол соқты.
Зинедин Зидан
Зиданның "Реал Мадридке" екінші рет келуін көптеген сарапшылар жақсылыққа баламады. Олар Зинединнің жанкүйерлерді екінші рет таң қалдыра алатынына күмәнданды, бірақ француз мұның қате екенін дәлелдеді.
Алғашқы маусымының өзінде-ақ Зидан үш жыл ішінде алғашқы Ла Лиганы жеңіп алды. Зидан Лопетеги мен Соларидің жетекшілігімен «Реал Мадридте» болған барлық жанжалдарды ұмыттыра алды. Сонымен қатар, француз ойыншылардың барлығын дерлік командада сақтай алды (Криштианудан басқа).
Эден Азарға үлкен үміт артылды, бірақ бельгиялық жарақат алып жанкүйерлер үмітін ақтай алмады. Зидан Азарсыз-ақ өзінің керемет ойынын көрсете алды. Ол Валверденің көмегімен алаңның ортасын нығайтты. Французды жақсы ұйымдастырылған психологиялық жұмысы үшін мақтау әдеттегідей, ал Зиданның тактикалық шешімдері сирек талқыланады. Соған қарамастан, ол қысқа мерзімде қорғанысты керемет жасақтай алды, ол бұл маусымда небәрі 23 гол жіберіп алды. Зиданның осы маусымдағы негізгі схемасы - 4-3-3 болды.
Зидан 2018 жылы демалысқа шыққанды жөн көрген еді, бірақ Флорентино Перес Зидансыз "Реал Мадридтің" жағдайы қиын болатынын тез түсінді. Зидан қайтып оралды. Қазір француз керемет бюджетке ие, жалақысы жоғары және басшылықтың үлкен сенімі бар.
Келесі маусымда "Реал Мадрид" Зиданмен бірге тағы үш ірі олжа үшін күреседі, бірақ «Корольдік» клубтың Чемпиондар лигасындағы «Манчестер Ситиге» қарсы тағы бір матч болатынын ұмытпаңыз. Ия, «Сити» жауап қайтарар алдында керемет нәтижеге қол жеткізіп жатыр, бірақ «Реал Мадрид» карантиннен кейін керемет ойын көрсетті, сондықтан Зидан мен Гвардиоланың айқасы қызыққа толы болайын деп тұр.
Біздің серіктес: FONBET
