Футболдағы «әртістер»

«Аладоп» #7

Гвардиоланың асығы алшысынан түсті

Ағылшын футбол алаңдарында алғашқы кубоктың иегері анықталды. «Манчестер сити» «Арсеналды» 3:0 есебімен ойсырата жеңіп тұманды альбионның шын мықтысы екенін дәлелдеді. Венгер болса осы маусымда Гвардиоладан үш рет қатарынан ұтылды. Ойын бірқалыпты басталғанымен, Агуэроның бірінші болып есеп ашуы «канонирлердің» есін шығарғандай. Екінші таймда Компани мен Сильваның голы 65 минутта-ақ, чемпионның кім екенін анықтады. «Арсеналдың» ішкі чемпионаттағы жағдайы да мәз емес. Турнирлік кестеде 6 орында келеді. Топ-4-ке кірудің де ауылы алыстау. Ендігі үміт «Еуропа лигасы».  1/8 финалда «Арсенал» кеше ғана «Романы» 0:2 есебімен ұтқан «Миланмен» кездеседі.

@aibek_kossan  

«ПСЖ» басты «көзірінен» айырылып қалды

Әлемнің ең қымбат ойыншысы жарақат алды. «Марсельге» қарсы ойында Неймар аяғын дұрыс қоймай дәрігерлердің көмегіне жүгінуге тура келді. Алаңда футболшының жағдайына баға берген мамандар оның ойынды жалғастыра алмайтынын айтты. Осыдан кейінгі 10 минутты «ПСЖ» командасы 10 адаммен өткізуге мәжбүр болды. Қорытынды есеп 3:0. Егер бразилиялықтың жарақаты ауыр болса клубқа оңай соқпайды. Себебі, алда «Реал Мадридке» қарсы чемпиондар лигасы ойыны тұр. Бірінші кездесуде Эмери шәкірттері сырт алаңда 3:1 есебімен ұтылып қайтқан болатын.

@aibek_kossan

Гаттузо «көкем» көңілді

«Миланның» бас бапкері  алғашқы маусымы жайында және ойыншылармен қарым қатынасы жайлы пікір бөлісті.  Ақпарат  Goal.com сайтында жарияланды. «Мен ойыншылардың матч аяқталған соң жанкүйерлердің алдына барып, алғыс білдіріп қошеметтегенін дұрыс деп есептеймін. Бұл іске менсіз ақылдары жетсе жарады. Қазір қарамағымдағы футболшылар жақсы өнер көрсетіп жүр, сондықтан олармен жұмыс істеу қиын емес. Бірақ, батқан түннің артынан жаңа күн атады. Жұмыс қайта жаңа парақтан басталады. Менің миссиям маусым аяқталғанша ойыншыларға дем беру. Алғаш келгенімде қандай қиындықтар күтіп тұрғанын білдім. Оңай жолмен жүретін мен емес! Сондықтан «Миланды» таңдадым. Соңы немен аяқталатынын бірге көреміз» — дейді Гаттузо.

  • Гаттузо «Миланның» бапкері ретінде 27 қарашадан бері жұмыс істеп келеді.
  • «Милан» А Сериясында 41 ұпай жинап, турнирлік кестеде 7 орында тұр.

@aibek_kossan

Диего Костаны кімдер жек көреді?

«Атлетико Мадрид» клубының шабуылшысы, атышулы Диего Коста кей мамандардың іс-әрекетіне көңілі толмайтынын айтты. Еске салайық, Ла лиганың 24 туры аясында мадридтік клуб өз алаңында «Атлетик Бильбаоны» қабылдап, 2:0 есебімен жеңген болатын. Ойынның 36 минутында Коста төрешімен дауласқаны үшін сары қағаз алды.   «Не болғанын өздеріңіз жақсы көрдіңіздер. Төрешілер мені жек көреді, оны өзгерту мүмкін емес! Менің кез келген мүлт кеткен жерімді құр жібермейтін олар, міндетті түрде жазалауды ойлап тұрады. Ендігі уақытта бқл тақырыпты талқылаудың еш қажеті жоқ!» — дейді ол.

«Атлетико Мадрид» турнир кестесінде 55 ұпаймен 2 орында келеді. Соңғы 4 ойында жеңіске жеткен.

@aibek_kossan 

Футболды дамытудың Созақтық үлгісі

Футбол — бұқаралық спорт. Ал, біз айтып отырған бұқаралық спортыңызды созақтықтар бақайшағына дейін меңгерген. Кеңес Одағын дүркіреткен «Шалқар» командасының, ұлттық құраманың шабуылшысы Таңат Нөсербаевтың жұлдызды жолын жерлестері жалғастырып келеді. Домалақ допқа деген құлшыныс соңғы кездері сұрапыл. Бейне бір барлық созақтықтар доп теуіп жүргендей. Спорт ғимараттары лық толы. Сенбі, жексенбі арасы үзілмей өтетін жарыстар. Толығырақ »

«Аладоп» 4-шығарылым

Мо Салах АПЛ-де 18 жыл бұрын орнатылған рекордты жаңартпақ

Ақпан айының бел ортасына да жеткен жоқпыз. Бірақ, мысырлық бір жігіт ағылшын премьер лигасында біраздың мысын басып үлгерді.

«Ливерпуль» сапына енді ауысқанда кей білгіштер  «түк пайдасы жоқ желаяқты қайтеді?» деп миығынан күлген еді. Мохаммед болса әр ойын сайын жаңа қырынан танылып, 1995 жылдан бері жаңармаған көрсеткішті қайта жаңғыртпақ.  Ол қандай рекорд? Толығырақ »

Ресей-2018 жайлы

Программы для Windows, лучшие CMS, шаблоны Фотошоп.