темы WordPress скачать; блог программистов; русский WordPress на wp-docs.ru.

Ақтөбе шабысынан сүрінді

Өз алаңында Владикавказдық «Аланияға» жол берген «Ақтөбе» Еуропа лигасымен қанжығасы бос қайтты. Сырт алаңда тең түскен Мұханов шәкірттері қолда бар мүмкіндікті пайдалана алмады. Ресей кубогында 11 метрлік соққыдан алдына жан салмаған «Алания» «Ақтөбені» де дәл солай қақпанына түсірді.

Ойын басталысымен-ақ «Алания» шабуылға иек артты. Өз кезегінде «Ақтөбе» де қарап қалған жоқ, Хомичты біраз састырды. Алайда алғашқы тайм толассыз шабуылдармен өткенімен екі қарсылас бір-бірінің қақпаларына доп сүңгіте алмады. Екінші тайм басында Ақтөбе әдеттегідей ойын басымдылығын қарсыласына ұстатты. Осы мүмкіндікті пайдаланған Ресейлік қонақтар Бойченка қақпасының осал тұсын анықтады. Сол қапталдан айып алаңына жеткен допты  Марат Бикмаев құлап барып баспен қақпаға тоғытты. Бұны күтпеген алаң иелері біраз қателіктерге бой алдырды. Дегенмен  ойынның 68 минутында қорғаушы Примус қызу қандылыққа жол беріп, жоқ жерден қызыл қанды қағазды қанжығасына байлап, алаңнан кетуге мәжбүр болды. Осыдан кейін допқа иелік еткен қонақтар толассыз шабуылдарға иек артып, алаң иелерін қыспаққа алды. Ақтөбеліктер қарсы шабуылдарының бірінде, Кенжесариев алаңның  орта тұсынан  Малетичке  әдемі пас жеткізді. Мұндай мүмкіндік енді келмейтінін сезгендей Малетич пасты ұтымды пайдаланып, әупірімдеп болсада допты айып алаңына асырды. Шабуыл өтіндегі Владимир Джилас допты қарсыластардың қақпасыга бір-ақ сүңгітті. Голдан кейін біраз абдыраған Алания  ойыны қарқынын баяулатып, «Ақтөбе» енді ғана тірілгендей болды. Алайда негізгі уақытта тең нәтиже тіркеліп , қосымша белгіленген 15 минуттық екі таймда да  әбден шаршаған қос клуб есепті өзгерісте алмады.Ойын тағдырын 11 метрлік соққы шешті. Бұған әбден үйренген «Алания» қателік жібермеді. Ал  ойынға бір кісідей араласқан Ақтөбе сапындағы Мане мен Джиластың соққылары Хомичтың қолынан табылды. Сонымен есеп 4-2 «Ақтөбе» өз алаңында қазақ ұлтының сенімін ақтай алмады. Жалғыздың шаңы шықпас демекші «Ақтөбеде» «Ертіс» пен «Шахтердің» кебін киді

«Ақтөбе» (Ақтөбе, Қазақстан) — «Алания» (Владикавказ, Ресей) 1:1 (0:0), қосымша уақыт 1:1, пенальтиден 2:4

Голдар: Бикмаев 55 (0:1), Джилас 75 (1:1)
Пенальти сериясы: Габулов (0:1), Хайруллин (1:1), Бикмаев (1:2), Кенжиесариев (2:2), Гиголаев (2:3), Мане (2:3), Неко (2:4), Джилас 2:4
Ескертулер: Семенов 54, Праймус 67, Джилас 104 — Гнану 15, Габулов 61, Царикаев 70
Алаңнан қуылды: Праймус 69
«Ақтөбе»: Бойченко, Чичулин, Смакқв, Хайруллин, Мане, Кенжесариев, Праймус, Логвиненко, Семенов (Бадло 62), Малетич, Джилас
Запасные: Сатубалдин, Сақалбаев, Хохлов, Дарабаев, Лисенков, Аверченко
«Алания»: Хомич, Гнану (Гиголаев 105), Габулов, Хубулов (Дудиев 46, Бураев 81), Стоянов, Неко, Царикаев, Коста, Григорьев, Грачев, Бикмаев
Запасные: Гиголаев, Туаев, Цховребов
Бас төреші: Саймон Ли Эванс (Уэльс)

СІЗ пікір қалдыра аласыз, .

Оставить комментарий

*

Программы для Windows, лучшие CMS, шаблоны Фотошоп.