Құрамында Оралхан Өміртаев бар “Слуцк" командасы белорус жоғарғы лигасының 7-турында Мозырь қаласының "Славия" ұжымымен кездесіп, минималды есеппен жеңді (1:0).
Слуцк қаласының намысын қорғайтын ұжым Вадим Курловичтің 72 минутта соққан жалғыз голының арқасында кезекті 3 ұпайына қол жеткізді. Бұған дейін, белорус ұжымы солгорскілік “Шахтерден” айласын асырған болатын (1:2).
Отандасымыз Оралхан Өміртаев ойынды бастапқы құрамда бастап, кездесудің 62 минутында өз орнын командаласына босатты.
Айта кетейік, 25 жастағы футболшы Беларус чемпионатында 7 ойын өткізіп, 1 гол соқты.
