64 ел – Қазақстан құрамасы Әлем чемпионатына аттанар уақыт келді ма?
Оңтүстік Америка футбол конфедерациясының (CONMEBOL) президенті Алехандро Домингес өзінің әлеуметтік желідегі парақшасында 2030 жылғы Әлем чемпионатының 64 командадан тұратын турнир болатынын мәлімдеді. Оның айтуынша, бұл чемпионат Уругвай, Аргентина және Парагвай үшін Әлем кубогының 100 жылдығын атап өтудің және футболды ұлықтаудың керемет мүмкіндігі болмақ, деп хабарлайды Aladop.kz.
Қазіргі уақытта ФИФА тарапынан бұл мәселе бойынша ресми растау әлі де жоқ. Дегенмен, ФИФА президенті Джанни Инфантино ерлер арасындағы Әлем чемпионатын 64 командаға дейін кеңейту мәселесі тиісті комитеттерде қаралатынын растады. Инфантино Әлем чемпионатының тек Еуропа немесе Оңтүстік Америкаға ғана емес, бүкіл әлемге тиесілі екенін және әрбір ұлттың бұл додаға қатысуды армандауға мүмкіндігі болуы керектігін атап өтті.
Бұл өзгерістің маңызды тұстары:
– Кішігірім елдерге мүмкіндік: Футбол сапасы бүкіл әлемде артып келе жатқандықтан, кішігірім елдерге Әлем чемпионатына қатысуға мүмкіндік беру олардың ары қарай дамуына үлкен ынталандыру болады.
– Ойындар санының артуы: Егер 64 командалық формат қабылданса, турнир барысында 128 матч өткізіледі. Бұл 1998-2022 жылдар аралығындағы 32 командалық форматтағы ойын санынан екі есе көп. 2026 жылғы Әлем чемпионаты алғаш рет 48 команданың қатысуымен өтіп, 104 матчты қамтыған болатын.
2030 жылғы Әлем чемпионатының негізгі ұйымдастырушылары Испания, Марокко және Португалия болып табылады, ал турнирдің 100 жылдығына орайластырылған алғашқы үш ойын Аргентина, Парагвай және Уругвайда өткізіледі деп жоспарланған.
Біздің серіктес: FONBET