Анге Постекоглу Қазақстан құрамасын жаттықтырмайды – Миллиондаған жалақы және қысқарған үміткерлер тізімі
Қазақстан футбол федерациясы Ұлттық құраманың бас бапкері лауазымына негізгі үміткерлердің бірімен келіссөздерді тоқтатты, деп хабарлайды Aladop.kz.
Лондондық "Тоттенхэмнің" бұрынғы тәлімгері, белгілі Австралиялық маман Анге Постекоглу Қазақстан құрамасының тізгінін ұстамайтын болды.
Елдар Аманбаевтың мәліметінше, тараптардың ортақ мәмілеге келе алмауына тікелей қаржылық талаптар себеп болған.
Тәжірибелі маманның Қазақстан футболының бас командасын басқарудан бас тартуының себебі — оның сұраған жоғары жалақы көлемі.
Анге Постекоглу ҚФФ басшылығынан жылына 5 миллион доллар көлемінде еңбекақы талап еткен.
Мұндай ірі қаржылық шарттар әлеуетті жұмыс берушінің (ҚФФ) бюджеттік жоспарына сай келмеді. Осыған байланысты келіссөздер одан ары дамымай, біржола тоқтатылды.
Ұлттық құраманың жаңа бас бапкерін іздеу барысында тек шетелдік емес, еліміздің ішкі біріншілігінде танылған отандық жаттықтырушылардың да кандидаттары қаралған болатын. Алайда, соңғы мәліметтер бойынша, ҚФФ отандық мамандарды тағайындау ойынан да бас тартуға шешім қабылдады.
Қайрат Нұрдәулетов пен Ринат Алюетов бас бапкер лауазымына үміткерлердің қысқа тізіміне енген еді. Федерация бұл екі маманның да кандидатурасын толықтай қарастырып, қорытындысында олардың ешқайсысын бас команданың тізгініне бекітпеді.
Біздің серіктес: FONBET