“Атырауда” дағдарыс – Трансферлік тартыс алдында көзбояушылық әшкереленді
“Атырау” алдағы жазғы трансферлік кезеңде құрамды түбегейлі жаңартқысы келеді, деп хабарлайды Aladop.kz.
Елдар Аманбаевтың мәліметінше, “Мұнайшылар” алаңның әрбір шебіне дерлік жаңа футболшылар сатып алуды жоспарлап отыр. Алайда, клуб ішіндегі бейберекетсіздік бұл жоспардың күл-талқанын шығаруы мүмкін.
Бапкердің шарасыздығы: Бес ауысым жасауға да ойыншы таппаған
Маусым басталғалы бері “Атырау” ұжымы футболшылардың жетіспеушілігінен зардап шегіп келеді. Бас бапкерде құрамды күшейтетін немесе негізгі ойыншыларды алмастыратын сапалы қосалқы құрам мүлдем болмаған.
Батыс командасының қосалқы құрамында деңгейі жоғары орындаушылар жоқтың қасы. Маусымдағы бірде-бір матчта бапкерлер штабы ереже бойынша рұқсат етілген барлық бес ауысымды толық пайдалана алмаған. Бұл команданың ішкі дефицитін анық көрсетеді.
Құрамды тез арада күшейту қажет болғанымен, “Атырау” басшылығында үлкен мәселе көлденең келді. Клуб тізгінін ұстаған шенеуніктердің трансфер нарығында ешқандай тәжірибесі де, таныс-тамырлары да жоқ болып шықты.
"Ең сорақысы — клуб басшылары әлі күнге дейін білікті спорттық директор таба алмай бас қатыруда. Мұндай бейберекет жағдайда командаға шақырылатын жаңа футболшылардың сапасы туралы айтудың өзі артық. Нарықты түсінбейтін босстардың трансфермен айналысуы клубты одан сайын құрдымға жіберуі мүмкін.” – деп жазады дереккөз.
Біздің серіктес: FONBET