Болат Есмағамбетов: “Ислам Чесноковтың РПЛ-ға ауысуы — мансаптық өсу”
Белгілі футбол маманы әрі функционер Болат Есмағамбетов Ислам Чесноковтың "Крылья Советов" клубына ауысуына қатысты өз ойын білдіріп, футболшының мансабындағы бұл қадамды оң бағалады, деп хабарлайды Aladop.kz.
Есмағамбетовтің айтуынша, Қазақстандық футболшылардың Ресей Премьер лигасында легионер болып саналмауы үлкен артықшылық береді. Бұл ереже отандастарымыздың Ресейлік клубтардың құрамына бейімделуін жеңілдетіп, олардың алаңға шығу мүмкіндігін арттырады.
Самарлық клуб Чесноковтың ойынын ұзақ уақыт бойы бақылап келгені белгілі болды. "Крылья Советов” қазіргі уақытта РПЛ-да көшбасшылар қатарында болмаса да және турнирлік кестедегі орнын сақтап қалу үшін күресіп жатқан команда болса да, маманның пікірінше, Исламның шеберлігі бұл ұжымда өзін көрсетуге толық жетеді.
Сарапшы бұл ауысуды футболшы үшін сөзсіз мансаптық өсу деп санайды. Негізгі мақсат — Исламның жаңа клубта тұрақты негізгі құрам ойыншысына айналуы.
Бұл трансфер Ислам Чесноков үшін ғана емес, Қазақстан футболы үшін де маңызды қадам, өйткені бәсекелестігі жоғары чемпионатта ойнау Ұлттық құрама деңгейіне де оң әсерін тигізеді.
Біздің серіктес: FONBET