Джон ван 'т Схип – Қазақстан ұлттық құрамасының жаңа бас бапкері
Нидерландық маман Джон ван 'т Схип Қазақстан ұлттық құрамасының жаңа тактикалық дәуірін бастау үшін бас бапкер қызметіне тағайындалмақ. 62 жастағы маман бүгін ресми түрде таныстырылады деп күтілуде. Оның тағайындалуына Қазақстан футбол федерациясының жаңа бас хатшысы Скотт Маннмен "Мельбурн Сити" клубындағы бірлескен жұмысы себеп болған, деп хабарлайды Aladop.kz.
Джон ван 'т Схип – әлемдік футболда аты озық маман. Ол ойыншы ретінде мансабының басым бөлігін (1981–1992) "Аякс” клубында өткізіп, төрт рет Эредивизия чемпионы, үш рет Нидерланды кубогын, сондай-ақ УЕФА Кубок иелерінің кубогы мен УЕФА кубогын иеленді. Одан кейін Италияның “Женоа” клубында мансабын аяқтаған. Халықаралық деңгейде ол Нидерланды құрамасы сапында 41 матч өткізіп, 1988 жылғы Еуропа чемпионатында жеңіске жеткен аңызға айналған құрамның мүшесі болды.
Бапкерлік мансабында ол әлемнің түрлі елдерінде жұмыс істеген.
– Клубтық деңгейде: "Твенте", "Аякс Жастар", "ПЕК Зволле", Аустралияның "Мельбурн Сити" және Мексиканың "Чивас Гвадалахара” командаларын жаттықтырды.
– "Аяксқа” оралуы: 2023 жылдың қазанынан 2024 жылдың мамырына дейін "Аякстың” уақытша бас бапкері болып, қиын кезеңде клубты алға сүйреді.
– Халықаралық деңгейде: 2019–2021 жылдар аралығында Грекия ұлттық құрамасын басқарды, ал Қазақстанға келер алдында Армения құрамасында жұмыс істеді.
Ван 'т Схип Канаданың Британдық Колумбиясында дүниеге келген, сондықтан оның Нидерланды мен Канаданың қос азаматтығы бар. Ол Нидерландының танымал әншісі Виллеке Альбертидің қызы Даниэль Оонкпен отбасын құрған болатын (жұбайы 2023 жылы қайтыс болды).
Бұл тағайындалу Қазақстан футболына жаңа Еуропалық бағыт пен тәжірибе әкелуі бек мүмкін.
Біздің серіктес: FONBET