Фарер аралдарының Қазақстанға қарсы құрамы жарияланды
Фарер аралдары құрамасының Қазақстанға қарсы Ұлттар лигасындағы төртінші тур матчына болжамды негізгі құрамы жарияланды, деп хабарлайды Aladop.kz.
Фарерлік Kvf.fo порталының мәліметінше, бас бапкер қарсы кездесуде 5-4-1 тактикалық үлгісін таңдауы мүмкін. Бұл жағдайда Қазақстанға қарсы ойынды алғашқы минуттардан бастап мына футболшылар бастайды деп күтілуде:
Маттиас Х. Ламхауге – Йоаннес К. Даниэльсен, Одмар Фэрё, Гуннар Ватнхамар, Самуэль Чуквуди, Мартин Агнарссон – Аки Д. Самуэльсен, Геза Давид Тури, Йоаннес Бьорталид, Ханус Сёренсен – Петур Кнудсен.
Аталған құрам әзірге болжамды екенін атап өткен жөн. Соңғы шешімді Фарер аралдарының жаттықтырушылар штабы матч алдында қабылдайды.
Командалардың турнирдегі жағдайы да әртүрлі. Фарер аралдары алғашқы үш кездесуден кейін үш ұпай жинаса, Қазақстан құрамасының еншісінде бір ғана ұпай бар. Бұған дейін Торсхавнда өткен командалар арасындағы алғашқы матч 1:1 есебімен аяқталған болатын.
Қазақстан құрамасы үшін Астанадағы кездесу аса маңызды. Джон ван ’т Схип шәкірттері алғашқы үш турда Фарер аралдарымен 1:1 тең түсіп, Словакиядан 1:2, Молдовадан 1:2 есебімен жеңілді. Сондықтан өз алаңындағы матчта жеңіске жету командаға турнирлік жағдайын жақсартуға мүмкіндік береді.
Қазақстан – Фарер аралдары арасындағы Ұлттар лигасының матчы 6 қазанда Астана қаласындағы «Астана Аренада» өтеді. Кездесу Астана уақытымен 19:00-де басталады.
Біздің серіктес: FONBET