FIFA Қазақстандағы балалар футболын дамытуға 250 000 доллар грант бөлді
FIFA ұйымы Talent Development Scheme бағдарламасы аясында Қазақстан футбол федерациясына балалар мен жасөспірімдер футболын дамыту мақсатында 250 000 АҚШ доллары көлемінде грант бөлді, деп хабарлайды Aladop.kz.
Бұл қаражат елдегі футбол саласының болашағын дамытуға бағытталған бірнеше маңызды бағыттар бойынша бөлінген.
Қаржыландырудың негізгі бағыттары:
– Таланттарды іріктеу: "Болашақ чемпиондар” атты жас таланттарды іздеу және іріктеу жобасына ең үлкен үлес — 125 000 доллар бөлінді.
– Мамандардың біліктілігін арттыру: Бапкерлер мен скауттарға арналған арнайы оқыту семинарларын өткізу үшін 50 000 доллар қарастырылған.
– Бағдарламаны басқару: Бағдарламаны басқаруға қатысты операциялық шығындарды (FIFA Operations Project) өтеуге 50 000 доллар бағытталды.
– Қауіпсіздік пен психологиялық қолдау: Балаларды қорғау стандарттарын енгізу және жоба қатысушыларына психологиялық сүйемелдеу көрсету үшін 25 000 доллар жұмсалатын болады.
Бұл инвестиция Қазақстандағы балалар мен жасөспірімдер футболын жүйелі түрде дамытуға және жас спортшылардың кәсіби өсуіне қолайлы жағдай жасауға бағытталған.
Біздің серіктес: FONBET