ҚПЛ билеттерінің бағасы баршаға қолжетімді ме?

Match KZ мәліметтеріне сүйенсек, биылғы баға саясаты елді біраз таңғалдырып отыр, біреулер үшін футбол — қымбат ләззат, ал кейбір қалаларда стадион есігі айқара ашық.

Билет құны бойынша көш басында Алматының “Қайраты” тұр. Аңызға айналған стадионда футбол көру үшін жанкүйерлер 1500-ден 7000 теңгеге дейін шығындалуы керек. Бұл — лигадағы ең жоғары көрсеткіш.

Сондай-ақ, бағасы едәуір жоғары клубтардың қатарына мыналар кіреді:

– “Жеңіс”: 1000 – 4000 теңге

– “Қайсар”: 1000 – 3000 теңге

–  “Жетісу”: 1750 – 3000 теңге

Елордалық “Астана” мен Шымкенттің “Ордабасы” клубтары бағаны орташа деңгейде ұстап отыр. Ел чемпиондарының ойынын тамашалау құны 800-ден 2500 теңге аралығында құбылады.

Қазақстанның батысы мен солтүстігінде футбол бағасы әлдеқайда қолжетімді. Мәселен, “Ақтөбе” мен “Атырау” жанкүйерлері үшін билет бағасы небәрі 500-700 теңге. Ал Қостанайдың “Тобылы” өз матчтарына 500-1000 теңге аралығында кіргізеді.

Ал мына командалардың үй иесі ретіндегі матчтарына мүлдем тегін кіруге болады:

– “Ұлытау”

– “Қызылжар”

– “Елімай”

– “Оқжетпес”

– “Каспий”

– “Алтай”

Еске сала кетсек, кейбір клубтар инфрақұрылым мәселесі бойынша уақытша өзге қалада, өзге стадиондарда ойындарын өткізуде.