Марат Омаров анасына тиесілі зауыт төңірегіндегі жағдайға қатысты пікір білдірді
Қазақстан футбол федерациясының президенті әрі Бәсекелестікті қорғау және дамыту агенттігінің басшысы Марат Омаров Алматы облысындағы KZ Recycling қағаз зауытының айналасындағы жағдайға байланысты алғаш рет жауап берді, деп хабарлайды Aladop.kz.
"Мен бұл ақпараттан (зауыттың қоршаған ортаны ластап жатқанынан) хабарсызбын. Ата-анамның бизнесіне араласпаймын, операциялық мәселелерді талқыламаймын. Ата-анам айналысатын бизнеске ешқандай қатысым жоқ. Жеке өзімде ешқандай зауыт та, олардағы үлестер де жоқ.” — деді Марат Омаров.
Бұған дейін кәсіпорынның жанында орналасқан үйлердің тұрғындары зауытты басқа жерге көшіруді талап еткен болатын. Олардың айтуынша, өндірістің жұмысы жергілікті халыққа үлкен қолайсыздықтар тудырып отыр.
KZ Recycling зауыты Марат Омаровтың анасы — Шолпан Омароваға тиесілі.
Біздің серіктес: FONBET