Стас Покатиловтың командасы Чемпиондар лигасына жолдама алды
2017 жылы негізі қаланған Әзербайжанның «Сабах» клубы Чемпиондар лигасының жалпы кезеңіне жолдама алған Еуропадағы ең жас клуб атанып, тарихи нәтиже көрсетті, деп хабарлайды Aladop.kz.
Қазақстандық қақпашы Стас Покатилов капитандық ететін бұл Бакулік клуб алғашқы матчтағы 2:1 есебіндегі жеңілістен соң, Тофик Бахрамов атындағы Республикалық стадионда Израильдік «Хапоэль Беэр-Шева» командасын қосымша уақытта 5:2 есебімен тізе бүктірді. Ойынның 94-минутына дейін жалпы есепте 4:3 болып ұтылып жатқан «Сабах» сапынан Теллур Муталлимов гол соғып, кездесуді қосымша уақытқа ұластырды. Одан кейін Орфе Мбина мен Джой-Ланс Микельс гол соғып, жалпы 6:4 есебімен жеңісті іліп кетті.
Бұл жетістікке жету үшін клуб шілде айының басынан бері төрт іріктеу кезеңінен өтіп, «Нью-Сейнтс», «КУПС», «Орхус» және «Хапоэль Беэр-Шева» сияқты ұжымдарды жарыс жолынан шығарды. Осылайша, «Сабах» футбол тарихында «Қарабақтан» кейін Чемпиондар лигасына жолдама алған екінші Әзербайжандық команда ретінде тіркелді.
Біздің серіктес: FONBET