Тимур Турлов: Қазақстан футболын қайта түлетуге бағытталған стратегиялық инвестициялар
Freedom Holding Corp. бас атқарушы директоры Тимур Турлов соңғы төрт жыл ішінде Қазақстан футболын дамытуға 35 миллиард теңгеге жуық қаражат бөліп, бұл саланы түбегейлі өзгертті. Оның инвестициялары балалар мен жасөспірімдер футболынан бастап кәсіби клубтарға, инфрақұрылымды жаңартудан заманауи технологияларды енгізуге дейінгі барлық деңгейлерді қамтиды.
Freedom QJ League: Кәсіби футболға көпір
2023 жылы Тимур Турлов пен Рохус Шох негізін қалаған Freedom QJ League жобасы жасөспірімдер футболына кәсіби талаптарға сай жағдай жасады. Бұл лиганың төрт маусымдық бюджеті 15 миллиард теңгеден асады. Қазіргі уақытта лига 18 өңірден келген 1 980 футболшыны (ұлдар мен қыздар) біріктіріп, олардың кәсіби өсуіне жағдай жасап отыр.
Лиганың нәтижелері де көңіл көншітерлік: 350-ден астам футболшы кәсіби деңгейге көтерілді. Ең көрнекті мысал — «Челси» клубымен келісімшартқа отырып, қазіргі уақытта «Бёрнлиде» ойнап жүрген Дастан Сатпаев. Сондай-ақ, жоба аясында жаттықтырушылардың біліктілігін арттыруға арналған «Болашақ бапкері» және «Болашақ ойыншысы» бағдарламалары мен FF Manager цифрлық платформасы жұмыс істейді.
Қарағанды өңіріндегі өзгерістер және QOFA
Тимур Турлов Қарағанды облыстық футбол қауымдастығының (QOFA) президенті ретінде өңір футболына 6,5 миллиард теңгелік төрт жылдық стратегиялық бюджет бөлді. Оның негізгі бағыттары:
– ALGA! бағдарламасы: Мектептерде футбол сабақтарын өткізу арқылы 5 000-нан астам баланы спортқа тарту.
– Инфрақұрылымды жаңарту: Қарағандыдағы «Локомотив» және Абай қаласындағы «Жігер» стадиондарын реновациялау.
– BFL әуесқой лигасы: 2 700-ден астам баланы қамтитын жарыстар ұйымдастыру.
«Шахтер» клубының қайта өрлеуі
2023 жылдың қарашасында Турлов Қарағандының «Шахтер» клубының иесі атанды. Клубты дамытуға бір маусымда 4,25 миллиард теңге бағытталды. Нәтижесінде команда бір маусым ішінде Премьер лигаға қайта оралды. Клуб қазіргі таңда өз академиясына, скауттық бөлімге және ойыншылардың менталды дайындығына ерекше назар аударады.
Заманауи футбол академиясы
Қарағандыда құны 12 миллиард теңгені құрайтын заманауи футбол академиясының құрылысы жүріп жатыр 10 гектар аумақты алып жатқан бұл кешенде:
– 3 500 көрерменге арналған стадион.
– Жыл бойы жаттығуға арналған жабық манеж.
– Ұлдар мен қыздарға арналған интернат және заманауи әкімшілік кешен болады.
Тимур Турлов бұл инвестицияларды жай ғана бизнес емес, елдің болашағына, салауатты ұрпақ тәрбиелеуге бағытталған әлеуметтік жауапкершілік деп санайды. Оның басты мақсаты — Қазақстан құрамасын ірі халықаралық турнирлерге алып шыға алатын жаңа буынды өсіру.
Біздің серіктес: FONBET