«Тұран» командасының бас бапкері Қазақстан чемпионатының 14-турында «Жетісуға» қарсы өткен (0:2) ойын жайлы өз пікірін білдірді:
- Биылғы Қазақстан чемпионатында «Жетісу» командасына екінші рет есе жібердіңіз. Олар сіздің командаңызға қолайсыз қарсылас па?
- Биылғы чемпионатта «Жетісудан» екінші рет жеңілгеніміз шынында да сәтсіздік деп білемін. Футбол - бұл өмір. Жеңіс пен жеңіліс қатар жүреді. Сондықтан да біз алдағы жарқын сəттерден үмітімізді үзбейміз. Ойында ұтылдық, əрине. Бірінші тайм мен екінші таймның айырмашылығы көрініп тұр ғой. Алғашқы таймда өзіміздің мүмкіндіктерімізді қолдана алмадық. Ал, екінші таймда қарсыластар бар мүмкіндікті қолданды. Талдықорғандық «Жетісу» - өте жақсы команда. Бас бапкері де білікті жас маман. Ойыншылары алаңда жақсы ойын өрнегін көрсетті. Біз үшін бұл команданы қолайсыз деуге болмайды. Əрбір жауапты матч алдында қарсыластарды зерттеп, сараптама жүргіземіз.
- Кешегі ойында жеңіске жету үшін қандай кедергілер болды? Комардадағы негізгі ойыншылар толықтай алаңда бой көрсетпеді. Неліктен?
- Өте орынды сұрақ. Қазіргі таңда негізгі мәселе - бұл тек бізде ғана емес барлық командаларда бар. Ол ойыншылардың жарақаты. Басында ойынға шыққан шəкірттерім кейде сенімді ақтай алмайды. Өкінішке орай, футболшыларымыздың кəсіби деңгейлері де көңілімнен шықпады. Байқағаным, олар алаңға шығып қарсыласты оңай жеңеміз деген сияқты. Бұл əрине дұрыс емес. Кез-келген қарсыластың нешінші орында тұрғандарына қарамастан, бар күш-жігерді жинап, тактика бойынша шабылдауымыз керек еді.
Бастысы, əрбір жауапты кездесуден кейін біз тəжірибе жинақтаймыз. Жанкүйерлеріміздің көңілінен шығу үшін бүкіл команда болып жұмыс жасаймыз. Келесі тур ойындарына жоғары деңгейде дайындалып, жерлестерімізге жеңіс сыйлайтын боламыз. Сіздермен тек жақсы күндерде жолығайық. Командаға қолдау көрсетіп жатқан жанкүйерлерге алғысымды айтқым келеді. Алдағы уақыттарда команданың жеңістерімен қуантатын боламыз.
Біздің серіктес: FONBET
