Сауд Арабиясының “Аль-Наср” клубы шабуыл шебіндегі басты жұлдызы Криштиану Роналду клубтан кететін болса, оның орнын басатын футболшыны таңдады. TalkSPORT басылымының хабарлауынша, “Ливерпульдің” Колумбиялық вингері Луис Диас “Аль-Насрдың” жазғы трансферлік терезедегі басты мақсатына айналуда.
Ағылшындық “Ливерпуль” клубы “Аль-Насрдың” Диасқа деген қызығушылығынан хабардар, алайда олардың қазіргі мақсаты Диасты сату емес, онымен келісімшартты ұзарту.
Кейбір БАҚ-тың мәліметінше, Роналдудың “Аль-Насрдан” кететіні жақында жарияланады.
Луис Диас 2024/25 маусымында барлық турнирлерде 50 матчқа қатысып, 17 гол соғып, 8 нәтижелі пас берген. Қазіргі келісімшарты 2027 жылдың жазына дейін. Transfermarkt порталының мәліметінше, футболшының нарықтық құны — 85 миллион еуро.
Біздің серіктес: FONBET
