"Қайраттың" бас бапкері Алексей Шпилевский Қазақстан Суперкубогінде үшінші орын үшін таласта "Шахтермен" болған матч туралы пікір білдірді (2:1).
- Бүгін ойынды жас ойыншылармен бастадыңыз. Бұған не ықпал етті?
- Менің ойымша, біз Түркиядағы оқу-жаттығу жиындарынан әлі оралған жоқпыз. Бізде қайта қалыпқа келу үшін бір-ақ күн болды, физиологиялық тұрғыда тағы бір күн болу керек еді. "Тобылға" қарсы ойнаған ойыншыларды алғашқы минуттан шығару мүмкін болмады. Осыған байланысты біз құрамды аздап өзгертуді жөн санадық, бірақ ойын барысында ауысымдар жасауға тура келді. Жалпы менің ойынға көңілім толмады. Бұл біздің орындауымыздағы ең нашар матчтардың бірі болды. Мұның себептері бар, бұл ақталу емес, факт. Матчтың аяқталғанына қуаныштымын, өйткені маған және командаға матч ұнамады. Ойын 94 минутқа созылды, бұл сезіліп тұрды, айтарға сөзім жоқ.
- Сұлтанбек Астанов қорғаныстың оң қапталында ойнады. Бұл позицияның өзгеруі ме немесе ол сол жерде ойнауға мәжбүр болды ма?
- Жоқ, оның шабуылда пайда әкелетін жақсы қасиеттері бар. Біз қарсыластың әрекетін бақыладық. Біздің қапталдағы қорғаушылар шабуылға араласып, өздерін жақсы жағынан көрсете білді. Астанов бүгін Микановичтің орнын жоқтатпады.
- Артур Шушеначев екі матчқа да қатысты. Оның басқа шабуылшыларға қарағанда дайындығы жақсы ма?
- Артурдың жағдайы жақсы. Мен ол жігіт үшін өте қуаныштымын, өйткені ол оған лайықты және мұны нәтижесімен дәлелдеуде. Алғашқы матчта да, бүгін де жақсы ойнады. Оның ойнамауы туралы мәселе тіпті талқыланбайды.
Біздің серіктес: FONBET
