Алғашқы алтылықты кім қорытындылайды?

Қазақстан премер-лигасы ойындарының алғашқы бөлігі аяқталуға жақын. Ертен басталып жексенбі күні «Атырау» мен «Ақтөбе» кездесуімен аяқталатын ойынмен  біріншіліктің бір бөлігі қортындалады. Ары қарай алғашқы алтылыққа енген командалар біріншіліктің бас жүлдесін сарапқа салса ,соңғы алтауы премер –лигадағы орнын сақтап қалу үшін жанталасады. Қызық кездесу Қостанайда күтілуде. Жергілікті команда «Ордабасының» осал тұсын табуға тырысады.Бұл ойынға ерекше мән берілуде. Себеп? Себеп қай жеңілгені Қазақстан біріншілігінің алтынына таласу құқығынан айырылады. Ал осы турдың негізгі ойыны Жетісу жерінде ойналады. Қос көшбасшы «Жетісу» мен «Астананың» арасын жалғыз ұпай бөліп тұр. Премер –лиганың алғашқы турында дәл осы екі команда Астанада кездесіп 0-2 есебімен Асқар Қожабергенов шәкірттерінің мерейі үстем болған. «Астана» есе қайтарып турнир тізгінін қолға алуды көздесе, «Жетісу» үшін жеңілмеу жеткілікті. Соңғы ойындарда «Астананы» састырып , «Тобылды» тобықтан шалып жүрген «Тараз» Керекуден қоржынын толтырып қайтуды теріс кормейді. «Ертіс» соңғы турдағы «Ақтөбеден» ауыр соққы алып есеңгіреп қалғандай. Алматыда «Қайрат» «Востокты» қабылдайды. Қос команда арасы да алшақ емес, бар болғаны екі ұпай. Шығысқазақстандық ұжым  соңғы екі ойында екі жеңіске жетіп көш соңындағы орнын «Қайсарға» «аманат» етіп қалдырған.  Енді міне олар үшін «Қайратты» да қуып жетіп басып озатын мүмкіндік болып тұр. Қызылорда мен Қарағанды командалары алғашқысының алаңында кездеседі. «Қайсар» мен «Шахтер» арасындағы келесі ойынды біраз күтіп қалуыңыз мүмкін. Премер-лигамен қоштасатын команда қатарында қызылордалықтар болмайды дегенге сенетіндерден сенбейтіндердің саны басым.Ал «Қайсардың» қасына кімді «серік» қылып ертіп әкететінін уақыт көрсетеді. Атырауда –«батысқазақстандық  дерби». Былтырғы жетістігін қайталай алмаған «Атырау» ел намысын Еурокубоктарда қорғап жатқан жалғыз команда «Ақтөбені» қабылдайды. Соңғысына  «Аланиямен» болатын қарымта кездесуге жақсы көңіл күй қалыптастырып алу үшін қалай да жеңіс керек. Оның үстіне «Жетісу» мен «Астананы» да алысқа жіберіп алуға болмайды. Ендеше тартысты ойын күте беріңіз. http://footballkz.kz/