«Арсенал» Англия суперкубогында «Ливерпульді» жеңді. Кездесу Лондондағы Уэмбли стадионында өтіп, 1:1 (пенальти бойынша 5:4) есебімен аяқталды.
"Арсенал" өз тарихында дәл осы кубокты 16-шы рет жеңіп алды. Кездесудің 13-минутында Пьер-Эмерик Обамеянг Алиссон қақпасының алыс бұрышын дәл көздеп, есеп ашты. 73-минутта Такуми Минамино есепті теңестірді. «Арсеналдың» айып алаңындағы қателігінен кейін Минамино еш қиындықсыз гол соғып кетті.
Пенальти сериясында «Арсенал» ойыншылары мықты болып шықты - 5:4. "Ливерпуль" сапында пенальти орындау барысында Брюстер қателесіп қалды.
Кубоктың алдыңғы жеңімпазы - "Манчестер Сити" болып табылады. Ал осы турнирде ең көп топ жарған команда - «Манчестер Юнайтед» (21 кубок).
