"Астана" футбол клубының шабуылшысы Тигран Барсегян жаңа қалада өзін қалай сезінетіні, карантин уақытында не істегені және 2020 жылғы футбол маусымын жалғастыру туралы өз ойымен бөлісті.
Тигран, сіз ресми түрде қаңтарда «Астананың» ойыншысы атандыңыз, енді қазір маусым айы, және сізде жаңа командада ойнауға мүмкіндік болмады. Мұндай үзілістер психологиялық тұрғыдан қиын ба?
- Бұл маған қиын болған жоқ. Бәрі өте жақсы болды деп айта аламын.
Ал физикалық тұрғыдан ше? Сіз карантин уақытында денеңізге қажетті жүктеме бере алдыңыз ба?
- Иә, мен жаттықтым. Бәрі жақсы болды. ⠀
Карантин алынып тасталғаннан кейін сіз қаламен таныстыңыз ба? Сізге ұнады ма?
- Мен бұл жерде бұрын болғанмын, сондықтан мен не қажет екенін жақсы білемін.⠀
Қызылордамен салыстыра аласың ба?
- Қызылорда өзінше әдемі, Астана өзінше әдемі. ⠀
Премьер-Лиганың турнирі қысқарды, үш емес екі айналым болады, оның үстіне, «Ертіс» жарыстан шығарылуына байланысты чемпионатта одан да аз матчтар болады. Бұл жеңістер үшін бонустар аз болатынын білдіреді ... Ұят емес пе?
- Дүние бізді бай етпейді. Менің отбасым, достарым болғандықтан мен баймын. Менің өмірім. Міне, менің байлығым осы. ⠀
Жеке өзіңізге алаңда көрерменсіз ойнау қиынға соғады ма?
- Шынымды айтсам, білмеймін. Мен бұл стадионда әлі ойнаған жоқпын және ойындарды көруге мұнда қанша көрермен келетінін білмеймін. ⠀
Сіздің ойыңызша, коронавирустың ұзаққа созылуы Қазақстан Премьер-лигасындағы турнирдің қорытынды нәтижелеріне әсер етуі мүмкін бе?
- Мен бір ғана нәрсені айта аламын: апаттар кездейсоқ емес. Құдай не қаласа, сол болады. ⠀
«Астана» биыл Суперкубокты жеңіп алды. Осы маусымда чемпионаттың алтын жүлделерін алатын және ҚР Кубогын кім алатынын болжай аласыз ба?
- Бұл біз боламыз деген үміттемін. Мен бұл үшін барымды саламын. ⠀
