«Барселона» қорғаушы Дани Алвеспен келісім-шарт түзбейтін болды, деп хабарлайды Marca.
Дереккөздің хабарлауынша, каталондық клуб басшылығы дәл қазіргі сәтте 38 жастағы футболшыны командаға қайтару нұсқасын қарастырмауда. Бұған дейін әртүрлі ақпарат көздері «Барселонаның» бас бапкері Хави мен клуб президенті Жоан Лапортаның Алвеске қызығушылық танытқанын хабарлаған еді.
Естеріңізге сала кетейік, Токиодағы Олимпиада ойындарынан кейін Алвес «Сан-Паулу» клубынан кеткен болатын. Қазіргі уақытта футболшы еркін агент ретінде жүр.
