Джонатан Барнетт Мадридтік «Реал» ойыншысы Гарет Бэйлдің «Тоттенхэмге» ауысуына қатысты келіссөздерді растады.
«Гарет әлі де "Тоттенхэмді" жақсы көреді. Біз келіссөздер жүргізіп жатырмыз. Ол сол жерде болғысы келеді», - деді Барнетт.
Бэйл "Реал Мадридке" 2013 жылдың жазында "Тоттенхэмнен" ауысып келген еді. Трансфер құны 101 миллион еуроны құрады. Өткен маусымда уэльстік шабуылшы Испания чемпионатының 16 матчына қатысты (негізгі құрамда 12), 2 гол соғып, 2 нәтижелі пас берді.
Еске салайық, жанкүйерлер Бэйлді "Реал Мадридтің" 2019/2020 маусымдағы ең нашар ойыншысы деп таныды. Футболшының Мадридтік клубпен келісімшарты 2022 жылдың жазына дейін жасалған.
