Джихад Бизимана
«Тотальный футбол.KZ» телеграм-арнасының мәлімдеуінше, Руанда құрамасы мен «Әл-Ахли» намысын қорғайтын Джихад Бизимана «Ордабасыға» ауысуға жақын.
Танымал желінің жазбасына сенсек, жартылай қорғаушы осы жазда шымкенттік команда сапын толықтырмақ. 28 жасар футболшы Ливия чемпионатының биылғы маусымында 5 ойынға қатысып, бір рет мергендік танытқан. Д. Бизимана сондай-ақ, украиналық «Кривбасс», бельгияның «Дейнзе» және «Беверен» клубтарының намысын қорғаған. Жартылай қорғаушы Руанда құрамасының жейдесінде 45 ойында алаңға шығып, 3 голдың авторы атанды. Футболшының трансферлік құны - 1 млн еуро.
Біздің серіктес: FONBET
