Біздің инсайд расталды. ҚПЛ клубы екі легионермен келісімге келді

Руи Баталья осыған дейін негізінен өзінің отанындағы командаларда ойнап келген. Атап айтсақ, «Дезембро», «Оливейра-ду-Ошпитал», «Алверка», «Кова-да-Пиедади», «Жил Висенте» және «Реал Келуш» сынды командалардың намысын қорғады. «Дезембро» жейдесінде Португалияның Үшінші дивизионының өткен маусымында 15 ойынға қатысып, 5 гол мен 1 ассисттің авторы атанды.      Ал Всеволод Садовский Польшаның Екінші дивизионының өткен маусымында «Котвице» Колобжек командасының сапындағы 11 матчта 2 ассист тіркеген. Естеріңізде болса, 28 жастағы футболшы 2022-2024-жылғы маусымдарда шымкенттік «Ордабасының» жейдесінде өнер көрсеткен болатын.

«Жеңіс» ҚПЛ-дің 13 турынан кейін 13 ұпаймен тоғызыншы орында келеді. Елордалық клуб келесі турда «Тобылмен» жолығады. Бұл кездесу 29-маусымда өтеді.