Тәртіпке бағынбаған шабуылшы клубты қиын жағдайда қалдырды, деп хабарлайды Aladop.kz.
Ел чемпионатының жетінші турында “Қызылжарға” қарсы өткен кездесуде (2:1) Митков нағыз анти-қаһарманға айналды. Ойыншы небәрі екі минуттың ішінде екі бірдей сары қағаз алып, төреші Саят Қарабаевтың шешімімен алаңнан қуылған еді. Мұндай салғырттықтың соңы — сегізінші турдағы “Ақтөбеге” қарсы өтетін маңызды матчтан шеттетілуіне әкеп соғып отыр.
26 жастағы Димитар Митков биылғы маусымда “Ордабасы” жейдесінде әзірге 7 матчқа қатысып, 1 гол соғып, 1 нәтижелі пас берген.
