«Динамо Минск» клубының қорғаушысы Игорь Шитов Чемпиондар лигасының бірінші іріктеу кезеңіндегі «Динамо Брест» пен оның бұрынғы клубы «Астана» арасындағы матч туралы болжам жасады.
«Әрине, мен көптеген достарым бар "Астананы" қолдаймын. Клубқа берілген жанкүйерлерін жеңіспен қуантқанын қалаймын. Бірақ бұны орындау өте қиын болады деп ойлаймын. Матчтың интригасы соңғы минутқа дейін сақталады: негізгі және қосымша уақытта есеп 1:1, бірақ қонақтар пенальти сериясында жеңісті жұлып әкетеді», - деді Шитов.
Матч 18-19 тамызға қараған түні Брестте өтеді және Нұр-Сұлтан уақытымен 00:00-де басталады. Матчты Qazsport арнасынан тікелей эфирде көре аласыздар.
Жұптың жеңімпазы бір матчтың нәтижесі бойынша анықталады, ал тең түскен жағдайда қосымша уақыт пен пенальти сериялары тағайындалады.
Шитов «Астана» сапында 2016-2018 жылдары ойнаған. Клуб үшін барлық турнирлерде 67 матч өткізіп, бір гол соғып, алты нәтижелі пас берді. Беларуссиялық ойыншы екі рет Қазақстан чемпионатын жеңіп алды, ел Кубогы мен Суперкубогының иегері болды, сонымен қатар екі рет Еуропа Лигасының топтық кезеңінде ойнады.
Біздің серіктес: FONBET
