Бельгия ұлттық құрамасы мен Мадридтік Атлетиконың негізгі қақпашысы. Куртуа болашағынан үлкен үміт күттіретін қақпашылардың бірі. 21 жасар бельгиялық алдағы уақытта Петр Чехтің орнын басып жатуы да ғажап емес. Атлетико сапындағы ойыны да көз қуантарлық. Былтырғы маусымда примераның үздік қақпашысына берілетін "Самора" сыйлығын иеленді.
2.Лукас Пиазон
Бразилиялық вундеркинд. Небәрі 19 жаста болғанмен бүкіл әлем назарын өзіне аударып үлгерген футболшы. "Сан Паулу" футбол академиясының түлегі. Бразилиялық клуб қатарында бірнеше турнирлерде көзге түсіп үлгерген жас футболшы үшін Еуропаның бірнеше алпауыт командалары таласып баққан еді. Пиазон Челсиді таңдады. Бүгінде ол Голландияның "Витесс" командасына жалға берілген.
3.Марко Марин.
Германия ұлттық құрамасы мен Севильяның жартылай қорғаушысы. Марко алғашында болашағынан үлкен үміт күттіретін жас футболшылар қатарынан саналып келді. Бірақ, бүгінгі Германия ұлттық құрамасындағы бәсекелестікке бұл футболшы қабілетсіз болып қалғандай. Севильяның үздік ойыншыларының бірі.
4.Ориоль Ромеу.
Испаниялық жартылай қорғаушы бүгінде Валенсияның негізгі ойыншыларының бірі. Барселона жастары қатарында ойнаған Ромеу Челсиге 5млн евроға келген болатын. Ақсүйектер қатарынан орын табылмаған соң, отанына қайтуға мәжбүр болды. Шеберлігін шыңдап жатса, Ориоль болашақта Челсидің негізгі құрамынан табылып қалуы да мүмкін.
5.Виктор Мозес.
Нигерия ұлттық құрамасы мен "Ливерпульдің" шабуылшысы. Англияның "Кристал Пэлас" клубы академиясынан тәлім алған шабуылшыны өз құрамына қосу үшін "ақсүйектерге" біраз еңбектенуге тура келді. Тек қана бесінші ұмтылыстарында ғана Мозестің командасы "Уиган Атлетик" басшылары ойыншыны сатуға көнген болатын. Трансфер бағасы 9млн фунт стерлингті құраған.
6.Ромелу Лукаку.
Бельгия құрамасы мен "Эвертон" клубының шабуылшысы. Бельгиялықтардың "Алтын кезеңі" деп аталып жүрген қазіргі құрамның негізгі орындаушыларының бірі. "Андерлехт" футбол академиясының түлегі. Болашақ "Дрогба" деп танылып жүрген футболшы. Әзірге Лукакуға Челсидің негізгі құрамынан орын тимей жүр. Бірақ, шыққан тегі конголық болған ойыншының соңғы екі маусымдағы ойындары көз қуантады. Осылай жалғаса берсе Жозе бапкерге Лукакуды командаға алдырудан басқа амал қалмайтындай...
Жәнібек Әбішев
КПЛ-ға тиімді ставкалар мен арнайы акцияларды FONBET ұсынады – Қазақстандағы ең үздік VIP-бағдарламасы бар букмекер. Жаңа клиенттерге осы сілтемемен, ALADOP промокоды арқылы тіркелгенде, FONBET алғашқы шотты толықтырғаны үшін 200 000 теңгеге дейін бонус береді: http://www.fonbet.kz/s/21Xe9a
