Georgi Asparuhov Stadium
Бүгін Болгария астанасы Софиядағы "Георги Аспарухов" стадионында жергілікті "Левски" мен Алматының "Қайраты" Чемпиондар лигасының үшінші іріктеу кезеңі аясында алғашқы кездесуін өткізеді. Екі ұжым да бұл сатыға дейін екі іріктеу кезеңінен сәтті өтіп, өздерінің мықты екенін көрсетті.
"Левски” : Жеңіліссіз серия
Хулио Веласкес бастаған "Левски” маусымды сәтті бастады. Олар алғашқы іріктеу кезеңінде "Борац Баня-Луканы" (жалпы есеп 5:1), содан кейін Румынияның "Университатя Крайова” клубын (жалпы есеп 3:2) қапы қалдырды. Қазіргі таңда Болгариялық клуб барлық турнирлерде 10 ойын бойы жеңілмей келеді (6 жеңіс, 4 тең ойын).
Болгария чемпионы биылғы маусымда өз алаңында өткізген төрт кездесудің бәрінде жеңіске жеткен. "Георги Аспарухов” стадионындағы жанкүйерлердің қолдауы мен қысымы Еурокубоктық бәсекелерде жиі шешуші факторға айналады. Команданың шабуыл шебіндегі басты қаруы – Чемпиондар лигасының іріктеуінде 2 гол соғып, 1 нәтижелі пас берген Эвертон Бала.
"Қайрат” : Тәжірибе мен тұрақтылық
Рафаэль Уразбахтин баптайтын "Қайрат” Болгарияға өте жақсы бабында келді. Қазақстан чемпиондары ел біріншілігінде 20 ойыннан кейін 45 ұпаймен екінші орында тұр. Олардың іріктеу кезеңіндегі жолы оңай болған жоқ: алдымен "Сутьесканы" (4:1) жеңсе, кейін Кипрдің "Омониясын" пенальти сериясында ғана жеңіп шықты.
"Қайраттың” басты артықшылығы – олардың Еурокубоктық тәжірибесі. Өткен маусымда Чемпиондар лигасының жаңа форматындағы жалпы кезеңіне шыққан тұңғыш Қазақстандық клуб ретінде олар мұндай деңгейдегі қысымға үйренген. Команданың қорғаныстағы тәртібі мен қарсы шабуылға жылдам шығуы кез келген қарсылас үшін үлкен қауіп. Шабуылда Марк Гуаль басты үміт болса, "Омониямен” ойында гол соққан Бразилиялық Эдмилсон да негізгі ойыншылардың бірі.
Тарихи деректер және тактикалық болжам
Бұл екі клубтың ресми жарыстардағы алғашқы кездесуі. Бұған дейін "Левски” Қазақстандық ұжымдармен 4 рет кездесіп, 2 жеңіс, 1 тең ойын және 1 жеңіліске ие болған. Ал "Қайрат” бұрын-соңды Болгариялық клубтармен ойнамаған.
Ықтимал құрамдар:
"Левски” : Вутцов, Невес, Димитров, Серафимов, Майкон, Бурас, Сержиньо, Мубарик, Рейнальдо, Око-Флекс, Бала.
"Қайрат” : Анарбеков, Мрынский, Африко, Мартынович, Мачадо, Оксанен, Мендонса, Юккола, Касабулат, Кургин, Гуаль.
Сарапшылар пікірі
Мамандар бұл ойынның өте тартысты өтетінін болжайды. "Левскидің” өз алаңындағы мықтылығына қарамастан, "Қайраттың” қорғаныстағы жинақылығы мен халықаралық тәжірибесі оларға Софиядан тиімді нәтижемен қайтуға мүмкіндік беруі мүмкін. Көптеген сарапшылар бұл матчта 1:1 есебі тіркеліп, мәселе Алматыдағы қарымта ойында шешіледі деп есептейді.
